ponte
farruca
concello
de laza
Tenda da
tilde
99100313/OU
carnicería - alimentación
- café bar -
Descanso do
Peregrino
Descanso do
Peregrino
A Romaría Ponte Farruca en Laza (Ourense) é unha iniciativa que busca a construción de sociedades e novas propostas de vida a través do diálogo, a igualdade, escoita e o divertimento. Ofrece diversas actividades multidisciplinares, como música, obradoiros, activiadades para cativada e cinema, para promover a convivencia, a aprendizaxe e o lecer sostible, e demostrar o potencial do rural para establecer novos modelos de sociedade.
obxectivos
- Reivindicar a igualdade da muller e a diversidade sexual e de xénero no rural e na provincia de Ourense.
- Visibilizar o colectivo LGTBQ+.
- Fomentar o desenvolvemento sostible do medio rural.
- Recuperar a memoria histórica da zona.
- Poñer en valor o patrimonio material e inmaterial da área.
a quen vai dirixida
O enfoque desta romaría está pensado para todas as idades, dende cativada ata xente xove na franxa dos trinta anos, como tamén para familias. Ofrece actividades apropiadas para todos os que desexan gozar dun dia diferente nun ambiente familiar, promovendo o respecto para todos os grupos.
edicións
2022
2023
2024
Actividades
ponte farruquiña
É unha actividade teatralizada de coeducación dirixida ao público familiar, cun obxectivo de poñer en valor a igualdade entre xéneros en diferentes ámbitos, sen esquecer o papel da muller no rural. Serve de plataforma importante para achegar estes contidos ás familias de Laza e da provincia de Ourense.
obradoiros
Ao longo da xornada os asistentes teñen a oportunidade de asisitir a obradoiros, impartido por profesionais da materia. Este tipo de obradoiro permite poñer en manifesto a nosa riqueza cultural no panorama musical e a socialización de persoas de diferentes ideoloxías, orientacións sexuais e de diferentes partes de Galicia.
coloquios e cinema
Contamos con figuras mediáticas do colectivo LGTBIQ+ para compartir coñecementos e conectar co público, fomentando a inclusión e o pensamento crítico nunha valiosa oportunidade de aprendizaxe persoal, tamén a través das artes cinematográficas querese visibilizar a muller cos obxectivos de sensibilizar e fortalecer o enfoque cara á igualdade de xénero.
farruca dates
É unha proposta única para fomentar novas amizades e conexións entre os asistentes. Durante a actividade o espazo está deseñado para que a xente poida coñecerse nun ambiente distendido e divertido.
Se buscas pasar un bo rato, coñecer xente nova e desfrutar do Ponte Farruca desde unha perspectiva diferente, o Farruca Dates é a opción perfecta. Vén preparado para abrirte a novas experiencias e, quen sabe, quizais fagas amigos para toda a vida.
tractorada engalanda
A "Tractorada Engalanada" é un evento que reflicte a dedicación da comunidade ao mundo rural e a súa capacidade para converter o cotiá en algo extraordinario. É unha demostración de orgullo local e unha experiencia divertida tanto para os participantes como para os espectadores que se unen á celebración. Esta actividade non só preserva a tradición agrícola, senón que tamén mostra que a creatividade e o espírito comunitario poden florecer en calquera lugar, mesmo no corazón do campo.
concertos
A combinación de música tradicional e contemporánea é un reflexo da evolución cultural e musical dunha sociedade. Ao incluír ambas formas de expresión, celebramos as nosas raíces e ao mesmo tempo abrazamos o cambio e a innovación. Isto enriquece a experiencia do público ao ofrecer variedade e conecta xeracións ao preservar a herdanza cultural mentres se abre espazo para novas voces e tendencias, abarcando ambos xéneros, tradición e a contemporaneidade vendo que coexistir harmoniosamente.
Equipa
Equipa
O Ponte Farruca é organizado por un grupo diverso de persoas de Laza, todas elas apaixonadas polo desenvolvemento do rural e a igualdade de xénero. Este equipo está formado por veciños e veciñas comprometidas que traballan arreo para crear un espazo inclusivo e vibrante.
A súa misión é clara: promover a diversidade, apoiar á muller e destacar o valor e a riqueza do rural galego. Mediante actividades que inclúen música, xogo para a cativada e artesanía, buscan ofrecer unha experiencia única que combina diversión e aprendizaxe. Cada ano, esforzanse por traer novas propostas e melloras, sempre coa intención de celebrar e preservar a cultura galega nun ambiente de respecto e tradición. O seu traballo reflicte un profundo compromiso coa comunidade e cos valores que representan o mellor do noso rural.
Contacto
